KTC New Buses For G20 Summit: गोव्यात होणार्‍या G20 शिखर बैठकीच्या पार्श्वभुमीवर राज्यातील सार्वजनिक वाहतूक नेटवर्क सुधारण्यासाठी कदंबा परिवहन महामंडळ (KTC) नवीन बसेस खरेदी करणार आहे. तसेच नवीन मार्गांवर या बस सुरू केल्या जाणार आहेत.
KTC नवीन 100 मोठ्या आकाराच्या बसेस खरेदी करणार आहे. या बसेस कनेक्टिव्हिटीच्या प्राधान्याच्या आधारावर नवीन मार्गांवर सुरू केल्या जातील. हे मार्ग देखील निश्चित्त केले गेले आहेत, असे कळते. यापैकी 32 नवीन मार्ग दक्षिण गोव्यात असतील.
जून 2023 पर्यंत दक्षिण गोव्यातील या 32 नवीन मार्गांवर बसेस सुरू होतील. दरम्यान, कार्यकाळ संपलेल्या 50 बसेस स्क्रॅप केल्या जाणार आहेत.
नवीन मार्गांवर बसेस सुरू करण्याच्या मागण्या आमदारांनी केल्या आहेत.मात्र, ज्या मार्गांवर सध्या कनेक्टिव्हिटी नाही, अशा मार्गांना प्राधान्य दिले जाणार आहे, असल्याचे समजते.
दरम्यान, नुकतेच कदंबाने तळावली ते नावेली बस सुरू केली आहे. खासगी बसचालकाने येथील बस बंद केली होती. त्यामुळे ही कदंबाने या मार्गावर बससेवा सुरू केली. लोकांचा प्रतिसाद पाहून या मार्गावर दुसरी बस सुरू करायची की नाही, ते ठरवले जाणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
