Congress Candidate: विधानसभा निवडणुकीच्या पार्श्वभूमीवर गोव्यात राजकीय हलचालींना वेग आला आहे. कॉंग्रेस उमेदवारांनी प्रचाराला सुरुवात केली आहे. त्यांनी यासाठी बांबोळीमध्ये (Bambolim) देवी महालक्ष्मी आणि हॉली क्रॉससमोर आशीर्वाद आणि शपथ घेतली की, या निवडणुकीत विजयीच होणार. दरम्यानच्या काळात अनेक नेत्यानी कॉंग्रेसला (Congress) पाठ दाखवली आहे. निवडणूक जाहीर होण्याआधी एक वेळ अशी होती की, कॉंग्रेसकडे फक्त दोनच उमेदवार शिल्लक राहिले होते. कारण गोव्यातील पक्षांतरचा सगळ्यात जास्त फटका कॉंग्रेसला बसला होता.

त्यानंतर गोव्यातील राजकीय समीकरणे बदलू लागली आणि कॉंग्रेसमध्ये अनेक नेत्यांनी प्रवेश केला. याच पार्श्वभूमीवर काँग्रेसच्या सर्व उमेदवारांनी निवडणुकीनंतर (Goa Assembly Elections 2022) पक्षांतर करणार नसल्याची शपथ देवी महालक्ष्मी आणि‌ बांबोळी येथील क्रॉससमोर घेतली. निवडणूक झाल्यानंतरही आपण पक्षाशी एकनिष्ठ राहणार असल्याचे यावेळी सगळ्यांनी वचन दिले आहे.