Sudin Dhavalikar Dainik Gomantak 
गोवा

'त्या' सर्व ठिकाणांचा कायापालट करणार: सुदिन ढवळीकर

फर्मागुढी-फोंड्यात आज शनिवारी मगो पक्षाच्या (MGP) वतीने शिवजयंती साजरी करण्यात आली.

दैनिक गोमन्तक

फोंडा: सत्तेत आल्यास केवळ फर्मागुढीच नव्हे तर छत्रपती शिवाजी महाराज व छत्रपती संभाजी महाराज यांचा संदर्भ असलेल्या गोव्यातील सर्वच ठिकाणांचा पर्यटनदृष्ट्या कायापालट करू अशी घोषणा मगो पक्षाचे नेते सुदिन ढवळीकर यांनी केली. फर्मागुढी-फोंड्यात आज शनिवारी मगो पक्षाच्या (MGP) वतीने शिवजयंती साजरी करण्यात आली. यावेळी ते बोलत होते.

शिवजयंती निमित्त आयोजित कार्यक्रमात ढवळीकर यांच्यासह जिल्हा पंचायत सदस्य गणपत नाईक, बांदोडा सरपंच राजेश नाईक, कवळे सरपंच राजेश कवळेकर, मडकई सरपंच लक्ष्मी तारी वळवईकर, प्रोबस क्लबचे अध्यक्ष जयवंत आडपईकर तसेच इतर सरपंच, पंचसदस्य व शिवप्रेमी नागरिक मोठ्या संख्येने उपस्थित होते. शिवाजी महाराजांच्या पुतळ्याला पुष्पांजली अर्पण करण्यात आली. यावेळी ढवळीकर म्हणाले, शिवछत्रपतींचा आदर्श आज प्रत्येकाने घेणे आवश्‍यक असून स्वराज्य निर्मितीसाठी शिवरायांनी केलेले नियोजन आणि शत्रूंवर मिळवलेला विजय हा आज युवा पिढीला कोणत्याही क्षेत्रात यशस्वी होण्यासाठी एक वस्तुपाठ आहे.

मगो युतीचे सरकार सत्तेवर आले तर सर्वप्रथम फर्मागुढीतील शिवाजी महाराज किल्ल्याचे नूतनीकरण व पर्यटनदृष्ट्या सौंदर्यीकरण कामाला एका महिन्यात सुरवात करण्यात येईल. मुख्यमंत्री प्रमोद सावंत (Pramod Sawant) यांच्या भाजप सरकारनेच या कामात खो घातल्याचा आरोप त्यांनी केला. तर दुसरीकडे बांदोडा येथील सरपंच राजेश नाईक यांनी शिवजयंती सोहळ्याबद्दल पंचायतीला कळवले नसल्याचे सांगितले. ते म्हणाले, राज्य सरकारच्या माहिती आणि प्रसिद्धी खात्यातर्फे बांदोडा पंचायतीला शासकीय शिवजयंती कार्यक्रमासंबंधी कोणतीच माहिती देण्यात आली नाही. वास्तविक हा किल्ला हा बांदोडा पंचायतीच्या अखत्यारित येतो. पण कार्यक्रमाचे साधे निमंत्रणही दिले नाही. सरकारने स्वतः देखभाल यंत्रणा उभारावी किंवा बांदोडा पंचायतीला देखभालीसाठी कळवावे असे आवाहन नाईक यांनी केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT