पणजी : येत्‍या पंचायत निवडणुकीत गोवा कन्नड समाज स्वतःचे उमेदवार उतरविणार आहे. तशी घोषणा गोव्यातील कन्नड नेत्यांनी केल्याचे वृत्त गेल्या काही दिवसांपासून राज्यात आहे. यामूळे नव्या वादाला तोंड फुटले होते. मात्र आज पत्रकार परिषद घेत गोवा कन्नड महासंघाचे अध्यक्ष सिद्धण्णा मेटी यांनी आपली भुमिका स्पष्ट केली आहे. (Siddhanna Meti News)

गेले काही दिवस सुरु असलेल्या गोवा कन्नड समाज स्वतःचे उमेदवार या वृत्ताला बगल देत आपण पॅनेल स्थापन करून पंचायत निवडणूक लढवणार नाही. आम्ही गोमंतकीय म्हणूनच निवडणूक लढवू अशी भुमिका घेतली आहे.

मी हे स्पष्ट करू इच्छितो की माझे विधान चुकीचे समजले गेले आणि चुकीचे अर्थ काढला गेला आहे. पंचायत निवडणूक लढवण्यासाठी आम्ही कोणतेही पॅनल किंवा बॅनरखाली तयार करत नाही आहोत. कन्नडी किंवा इतर कोणत्याही संलग्न संस्था. आम्ही निवडणूक लढवू तसेच सोशल मीडियावर काही लोक जाणूनबुजून आमच्या समाजाला लक्ष्य करत आहेत. अशी अपमानास्पदस्थिती टाळण्यासाठी माध्यमांनी दिलेल्या पाठिंब्याबद्दल आम्ही त्यांचे आभारी आहोत. असे ही ते यावेळी म्हणाले.

गोव्यातील अन्य समाजात फूट पाडण्याचा हा प्रयत्न - माविन गुदिन्हो

या वादात खुद्द पंचायत मंत्री माविन गुदिन्हो यांनी एक वेगळा गट स्थापन करून गोव्यातील अन्य समाजात फूट पाडण्याचा हा प्रयत्न केला असल्याची प्रतिक्रिया केली होती. याबरोबर गोवा कन्नड महासंघाचे अध्यक्ष सिद्धण्णा मेटी यांनी गोव्यातील ज्या भागात कन्नड समाजाचे लोक मोठ्या प्रमाणावर राहतात, तिथे पंचायत निवडणुकीत आम्ही आमचे उमेदवार उतरवू असे म्‍हटल्याचे वृत्त ही होते.