Kundaim Water Pipeline Bust: कुंडई येथे पाण्याची जलवाहिनी फुटल्याने हजारो लिटर पाणी वाया गेले आहे. पाण्याचे लोंढेच्या लोंढे रस्त्यावरून जात आहे. जलवाहिनीमधून पाणी एवढ्या मोठ्या प्रमाणावर जात आहे की जणू ते पावसाचे पाणी आहे, असे वाटत आहे. याच पाण्याच्या प्रवाहातून वाहन चालक वाट काढताना दिसत आहेत.

कुंडई औद्योगिक वसाहतीजवळ पिण्याच्या पाण्याची मोठी जलवाहिनी फुटली आहे. यामुळे हाजारो लिटर पाणी वाया गेले आहे. याप्रकरणी संबधित विभागाला माहिती देण्यात आली असून, अद्याप त्याठिकाणी कोणी अधिकारी अथवा कर्मचारी दाखल झालेले नाहीत.

दरम्यान, यामुळे मोठ्या प्रमाणावर पाणी जलवाहिनीतून रस्त्यावर येत आहे, व त्यातून वाहन चालकांना मार्ग काढावा लागत आहे.

या भागातील पाणी पुरवठ्यावर परिणाम होणार

दरम्यान, कुंडई येथे पाण्याची वाहिनी फुटल्याने सांत -आंद्रे व पणजी भागासह प्रियोळ व कुंभरजुवे मतदार संघातील पाणी पुरवठ्यावर परिणाम होणार आहे. कर्मचारी घटनास्थळी दाखल झाले असून, जलवाहिनी बदलण्याच्या कामाला सुरुवात करण्यात आली आहे.