Sattari Rainfall: सत्तरी तालुक्यात गेल्या दोन दिवसांपासून पावसाने बरीच दडी मारली होती. आज बुधवारी मात्र सकाळच्या सत्रात सत्तरीत विविध ठिकाणी जोरदार पावसाने हजेरी लावली.

सकाळी होंडा भागात जोरदार पाऊस कोसळला. त्यामुळे दुचाकी वाहन चालकांची तारांबळ उडाली होती. जोरदार पावसामुळे चारचाकी वाहनांना देखील समोरील रस्ता व्यवस्थित दिसत नव्हता. परिणामी वाहनांच्या पार्किंग लाईट सुरू ठेवून वाहन चालविण्याची पाळी आली.

होंडा मुख्य रस्त्यावर जोरदार पावसामुळे प्रचंड प्रमाणात पाणी आले होते. काही ठिकाणी गटारे आहेत. त्यातून पावसाचे पाणी निचरा होत होते. परंतु काही ठिकाणी रस्त्याच्या एका बाजूला पाणी रस्त्यावर साचण्याचे प्रकार घडत आहेत.

अशा रस्त्याच्या बाजूंनी पावसाचे पाणी निचरा होण्यासाठी व्यवस्था करणे आवश्यक आहे. दुपार नंतर पावसाचा जोर ओसरला होता. सायंकाळी ऊन पावसाचा खेळ सुरू होता.