Goa Elections: गेल्या काही दिवसांपासून लक्ष लागून राहिलेल्या साखळी आणि फोंडा नगरपालिका निवडणुकीच्या तारखा अखेर, शनिवारी राज्य निवडणूक आयोगाने जाहीर केल्या. या दोन्ही नगरपालिकांसाठी 5 मे रोजी मतदान होणार आहे, तर 7 मे रोजी मतमोजणी होईल.

मतदानाच्या तारखेच्या घोषणांबरोबरच दोन्ही नगपालिका क्षेत्रात आज, शनिवारपासून आचारसंहिता लागू झाल्याचीही घोषणा, राज्य निवडणूक आयुक्त डब्ल्यू. व्ही. रमणमुर्ती यांनी दिली आहे.

फोंडा पालिकेत 15 तर सांखळी पालिकेत 12 वॉर्ड आहेत. फोंड्यात एकूण 16305 इतके तर सांखळीत 8640 इतके मतदार आहेत. सकाळी 8 ते सायंकाळई 5 या वेळेत मतदान करता येईल. पैकी शेवटचा तास म्हणजेत सायंकाळी 4 ते 5 ही वेळी कोरोना रूग्णांना मतदान करण्यासाठी असेल.

दोन्ही पालिकांसाठी मतपत्रिकेवर मतदान होणार आहे. उमेदवाराला दोन लाख रूपये इतकी खर्च मर्यादा आहे. साखळी आणि फोंडा नगरपालिकांच्या सध्याच्या सभागृहाची मुदत संपत आली आहे. दरम्यान, निवडणुकांच्या पार्श्वभुमीवर अनेक इच्छुक उमेदवार तयारीला लागले आहेत.

असा आहे निवडणूक कार्यक्रम

• अर्ज दाखल करण्याची मुदत ---- 10 एप्रिल ते 18 एप्रिल

• अर्ज छानणी ---------- 19 एप्रिल

• अर्ज मागे घेण्याची अंतिम मुदत ---------- 20 एप्रिल

• मतदान ---------------- 5 मे

• मतमोजणी ------------ 7 मे