आगोंद: श्री मल्लिकार्जुन देवस्थान श्रीस्थळ, काणकोण देवस्थानच्या समितीची निवड दि.13 रोजी काशी पुरुष सभागृहात श्रीस्थळ येथे पार पडली. अध्यक्षपदाच्या अटीतटीच्या लढतीत निवृत्त मुख्याध्यापक विठोबा म. देसाई यांच्या यांनी आपल्या प्रतिस्पर्धी उमेदवारावर तीस मतांनी विजय प्राप्त केला.सचिव पदी राजेंद्र भगत, खजिनदार सचिन देसाई, मुख्यात्यार- प्रमोद देसाई यांची निवड झाली आहे.

श्री मल्लिकार्जुन देवस्थानात झालेली देवस्थान समितीची निवडणूक अतिशय शिस्तबद्ध व शांततापूर्ण वातावरणात झाली. मतमोजणीत आधी अध्यक्षपदाचे उमेदवार विठोबा म. देसाई यांनी प्रतिस्पर्धी उमेदवाराविरुद्ध 80 मतांची आघाडी घेतली होती. यंदाच्या शिगमोत्सव व कौलोत्सवाला काणकोण तालुक्यात बुधवार दि.9 आजपासून सुरुवात झाली आहे.

गावडोंगरी, खोतीगाव व श्रीस्थळ काणकोण येथील श्री मल्लिकार्जुन देवस्थान समितीतर्फे दिनांक 13 मार्च रोजी होणारी देवस्थान समितीची निवडणूक पुढे ढकलण्यात यावी, तसे रितसर निवेदन सादर केले होते.

दरम्यान, श्रीस्थळ येथील श्री मल्लिकार्जुन देवाचा अवतार पुरुषाच्या अवतार व कौलोत्सवाला 9 मार्चपासून सुरुवात झाली आहे. दि.12 व 13 मार्च रोजी, पाटणे तसेच भगतवाडा दि.13 व 14 मार्च अशा दोन ठिकाणी अवतार झाला. शिवाय तळया देण्याचा कार्यक्रम सुद्धा आहे. श्रीस्थळच्या श्री मल्लिकार्जुन देवाचे सर्व महाजन या उत्सवाशी संबंधित असल्यामुळे दि.13 मार्च ऐवजी 20 मार्च रोजी या निवडणुका घेण्यात याव्यात, जसा फोंडा तालुक्यातील एका देवस्थानच्या बाबतीत निर्णय झालेला आहे. तसाच न्याय याठिकाणी देण्यात यावा, असा प्रस्ताव देवस्थान समितीचे अध्यक्ष राजेंद्र देसाई यांनी दिलेला होता.

तिघांची निवड बिनविरोध

काणकोणातील 14 देवस्थानच्या निवडणुका शांततापूर्ण वातावरणात पार पडल्या,अशी माहिती काणकोणचे मामलेदार मनोज कोरगावकर यांनी दिली. यापैकी पाटणे येथील विनय म.देसाई- (उपमुख्यत्यार) भिकरवाडा येथील धनंजय अभी देसाई-(उप खजिनदार), तसेच भगतवाडा येथील सम्राट भगत, या तिघांची बिनविरोध निवड झाली.