कळंगुट: एका मोबाईल कंपनीकडून शिवोलीतील प्राथमिक आरोग्य केंद्राच्या परिसरात मोबाईल टॉवर उभारण्याचा प्रयत्न होत असल्याचे लक्षात येताच संतप्त ग्रामस्थांनी टॉवरसाठी चाललेले खोदकाम रोखले. यावेळी मजुरांनी तेथून पळ काढल्याचे ग्रामस्थांनी सांगितले.दरम्यान, टॉवरला तीव्र विरोधासाठी एक-दोन दिवसांत ठोस कार्यक्रम ठरविण्यात येईल,अशी माहिती यावेळी उपस्थितांनी दिली.

(Villagers stopped the work of 'Tower' in siolim)

दरम्यान, राज्यात सध्या पंचायत निवडणुकांची तयारी चाललेली असतांना स्थानिक पंचायत मंडळाच्या अनुपस्थितीत आरोग्य केंद्राच्या आवारात टॉवर उभारण्याचा प्रयत्न हाणून पाडू, असे ग्रामस्थांनी सांगितले.

शिवोलीतील प्राथमिक आरोग्य केद्राच्या आवारात उभारण्यात येत असलेल्या मोबाईल टॉवरशी स्थानिक आरोग्य केंद्राचा काडीचाही संबंध नाही. टॉवरला स्थानिकांचा विरोध असल्यास संबंधित मोबाईल कंपनी तसेच सरकारने कायदेशीर मार्गाने यावर तोडगा काढावा. ग्रामस्थांनीही हा वाद सबुरीने सोडवावा.

-डॉ. साधना शेट्ये,

(शिवोलीच्या आरोग्याधिकारी)