गोवा डेअरी उत्पादन वाढवणार : शिरोडकर

फोंडा: गोवा डेअरीचे दूध उत्पादन येत्या वर्षभरात एक लाख लीटरपर्यंत नेले जाईल, त्यासाठी सरकारकडून संचालक मंडळासह अधिकाऱ्यांकडून धोरणात्मक निर्णय घेतले जातील, असे सहकारमंत्री सुभाष शिरोडकर यांनी आज (सोमवारी) कुर्टी-फोंडा येथील गोवा डेअरी प्लांटला भेट दिल्यानंतर पत्रकारांशी बोलताना सांगितले.

(Shirodkar's statement that Goa will increase dairy production)

सुभाष शिरोडकर यांनी गोवा डेअरीच्या प्लांटला भेट देऊन पाहणी केली व नंतर संचालक मंडळ तसेच वरिष्ठ अधिकाऱ्यांसमवेत बैठक घेऊन विविध समस्यांवर चर्चा केली. यावेळी मंत्री सुभाष शिरोडकर सोबत गोवा डेअरीचे अध्यक्ष राजेश फळदेसाई तसेच संचालक व एमडी पराग नगर्सेकर व अधिकारी हजर होते.

शेअर्समध्ये रूपांतर

गोवा डेअरीचे पीएमसी बँकेत आठ कोटी रुपये ठेवत आहेत. मात्र पीएमसी बँक दिवाळखोरीत गेल्यामुळे हे आठ कोटी बुडण्याची शक्यता असल्याने ठेव म्हणून ठेवलेले हे पैसे शेअर्सच्या रूपात परावर्तीत करण्यात येतील. त्यामुळे आहे तेवढे पैसे गोवा डेअरीला परत मिळतील, असेही सुभाष शिरोडकर म्हणाले.