मडगाव : गोव्याला सुशासन निर्देशांकात स्थान देण्याचा भाजपचा डाव गोंयकारांना समजला आहे आणि या बाबत गोव्यातील लोक आगामी विधानसभा निवडणुकीत (Assembly Elections) निर्णय घेतील असे मत गोवा फॉरवर्ड पार्टीचे (Goa Forward Party) अध्यक्ष विजय सरदेसाई (Vijay Sardesai) यांनी व्यक्त केले आहे. शनिवारी प्रसिद्ध झालेल्या केंद्राच्या सुशासन निर्दशांक मध्ये गोव्याला मिळालेल्या तिसऱ्या क्रमांकाचा संदर्भ देत सरदेसाई म्हणाले की भाजपचे एक इंजिन सांगत आहे की दुसरे इंजिन योग्यरित्या काम करत आहेत.

‘‘ गोंयकार ख्रिसमस साजरा करत असताना भाजपचे गृहमंत्री गोवा सरकारच्या (Goa Government) कामाचे कौतुक करत होते. गोव्याचे प्रश्न सोडवण्यात ते अपयशी ठरले म्हणून ते या क्रमवारीचा अभिमान बाळगतात का.’’ असा सवाल सरदेसाई यांनी केला. चांगले प्रशासन आणि सर्वात वाईट प्रशासन यातील फरक लोकांना माहीत आहे. खाणकाम पुन्हा सुरू करण्यात अपयशी ठरलेला भाजप सुशासनाची बढाई मारत आहे.” असे सरदेसाई (Vijay Sardesai) म्हणाले. म्हादई विकणे, आणि आर्थिक गैरव्यवस्थापन करणे म्हणजे सुशासन आहे का असा सवालही त्यांनी केला.

सरदेसाई म्हणाले की गोवा अनेक समस्या आणि समस्यांनी ग्रासलेला आहे, ज्यांचे निराकरण करण्यात भाजप अपयशी ठरला आहे आणि म्हणूनच गोव्याला सुशासन निर्देशांकात स्थान मिळाले हे जाणून आश्चर्य वाटले. लवकरच निवडणुका येतील आणि मग गोंयकार भाजपला सुशासन काय असते ते शिकवतील." असे सरदेसाई म्हणाले.