वास्को: वास्को पोलिसांनी सापळा रचून मुळ उत्तर प्रदेशमधील तिलकदार यादव याच्याकडून 7.3 किलो गांजा जप्त केला. त्याची बाजारात किंमत सुमारे 7 लाख रुपये इतकी असल्याची माहिती वास्को पोलिस निरीक्षक कपिल नायक यांनी दिली.

( Vasco police seized ganja worth seven lakhs from Tilakdar Yadav )

वास्को पोलिस निरीक्षक कपिल नायक यांनी दिलेल्या माहितीनुसार वास्को रेल्वे स्थानकावर पटना एक्सप्रेसमधून मुळ जौनपुर उत्तर प्रदेश येथील व्यक्ती गांजा घेऊन वास्कोत दाखल होणार असल्याची माहिती सुत्राकडून पोलिसांना मिळाली होती, प्राप्त माहिती नुसार सोमवार (दि. 17) रात्री पटना एक्सप्रेस वास्को रेल्वे स्थानकावर येताच पोलिस निरीक्षक नायक यांच्या मार्गदर्शनाखाली वास्को पोलिसांनी आरोपी तीलकदार यादव याला गांजा सहीत ताब्यात घेतले.

यावेळी त्याच्याकडून 7.3 किलो गांजा जप्त केला असून त्याची किंमत बाजारात सुमारे 7 लाख रुपये आहे. वास्को पोलिसांनी अंमली पदार्थ कायद्याअंतर्गत आरोपी तीलकदार यादव याला अटक केली आहे. यापूर्वी गांजा हस्तगत प्रकरणी पोलिसांनी 2006 मध्ये आरोपी तिलकदार यादव याला अटक केली होती. याप्रकरणात अधिक तपास उपनिरीक्षक स्वप्नील नाईक करीत आहे.