Varun Dhawan in IFFI: देशाचे पर्यटन केंद्र अशी ओळख असलेल्या गोव्यात ५३ व्या भारतीय आंतरराष्ट्रीय चित्रपट महोत्सवाच्या (International Film Festival Of India) तयारीला आता वेग आला आहे. ताज्या माहितीनुसार आता या महोत्सवाच्या ग्रँड प्रीमियरमध्ये अभिनेता वरूण धवन परफॉर्म करणार असल्याचे समजते. (IFFI Goa 2022)

इफ्फिच्या तयारीसोबतच गेल्या काही दिवसात इफ्फी बाबतच्या नवनव्या अपडेट्स समोर येत आहेत. अभिनेता वरूण धवन याचा आगामी चित्रपट 'भेडिया' येत्या 25 नोव्हेंबर रोजी रीलीज होत आहे. पण त्यापुर्वीच गोव्यात होणाऱ्या या इफ्फीमध्ये या चित्रपटाचा वर्ल्ड प्रीमियर होणार आहे. आणि आता या चित्रपटातील गाण्यावर या महोत्सवाच्या ग्रँड प्रीमियरमध्ये वरूण धवन परफॉर्म करणार आहे.

याशिवाय देशभक्तीवर इतरही गाण्यांवर वरूणचा परफॉर्मन्स असणार आहे. अशा कार्यक्रमात वरूणचा स्टेजवरील वावर नेहमीच एनर्जेटीक राहिलेला आहे. त्यामुळे वरूणला लाईव्ह डान्स करताना पाहणे ही दर्शकांसाठी मेजवानी ठरणार आहे.

दरम्यान, 'भेडिया' या चित्रपटात वरूण अशा तरूणाची भुमिका साकारत आहे, ज्याच्यावर एका लांडग्याने हल्ला केलेला असतो. आणि त्यानंतर त्याच्या शरीरात बदल होऊन त्याचे रूपांतर लांडग्यामध्ये होत असते. अमर कौशिक दिग्दर्शित या हॉरर कॉमेडी चित्रपटात कृती सेननही मुख्य भुमिकेत आहे. हा चित्रपट 25 नोव्हेंबर रोजी रीलीज होत आहे.