Valpoi Municipal Council: वाळपई नगरपालिकेच्या नवीन उपनगराध्यक्ष पदासाठी आज शुक्रवार दिनांक 21 रोजी वाळपई नगरगरपालीकेच्या कार्यालयात संपन्न झालेल्या रिक्त असलेल्या उपनगराध्यक्षपदी नगरसेवक इंद्रुस (फयाज) शेख यांची बिनविरोध निवड करण्यात आली आहे.

नगरपालिकेचे माजी उपनगराध्यक्ष अनिल काटकर यांनी पदाचा राजीनामा दिल्यानंतर हे पद रिक्त झाले होते. काही दिवसापुर्वी त्यांचा राजीनामा मंजूर झाला होता. यामुळे नवीन उपनगराध्यक्ष पदा निवडायचा मार्ग मोकळा झाला.

आज झालेल्या निवडणुकीवेळी सत्तरी उपजिल्हाधिकारी प्रविण परब यांनी निवडणुकीची प्रक्रिया पुर्ण केली. यावेळी उपनगराध्यक्षपदासाठी एकच अर्ज आल्याने शेख इद्रुस यांची बिनविरोध निवड झाल्याचे प्रविण परब यांनी जाहिर केले.

यावेळी वाळपई मुख्याधिकारी दशरथ गावस, नगराध्यक्ष शैहजीन शेख, नगरसेवक अनिल काटकर, प्रसन्ना गावस, शराफत खान, सय्यद सरफराज, रामदास शिरोडकर, सौ. साखळकर, विनोद हळदणकर आदी नगरपालिका पदाधिकाऱ्यांची उपस्थिती होती.

इद्रुस यांचे यावेळी पुष्पहार घालून व त्यांच्या कार्यालयात खुर्चीवर विराजमान करुन त्यांना शुभेच्छा देण्यात आल्या.

यावेळी बोलताना नगराध्यक्ष शैहजीन शेख म्हणाल्या, वाळपई नगरपालिकाचा कारभार आरोग्यमंत्री विश्वजित राणे यांच्या सहकार्यामुळे पुढे जात आहे. वाळपई नगरपालिका क्षेत्रात राणे मुळे अनेक विकास कामा मार्गी लागल्या आहेत. त्यामुळे आम्ही नगरपालिका मंडळ सदैव राणे सोबत रहाणार असुन वाळपईच्या विकास करण्यासाठी एकजुटीने सहकार्य करणार असल्याचे सांगितले.

इद्रुस शेख म्हणाले, यापुर्वी सुध्दा आपल्याकडे उपनगराध्यक्षप होते. त्यावेळी सुध्दा आपण वाळपईच्या विकासासाठी, बेरोजगाराना नोकरी त्याचबरोबर आपल्या वाड्यावरील विकास कामाना चालना देण्यासाठी पुढाकार घेतला होता. आपण व आपले कार्यकर्ते सदैव राणे सोबत रहाणार आहोत. त्यांच्यामुळे वाळपईचा विकास झाला आहे आणि होणार आहे.