Goa News: फोंड्यात सुरू असलेल्या भूमिगत वीजवाहिन्यांच्या कामात खो घालण्याचा प्रकार काही अज्ञात समाजकंटकांनी करण्याचा प्रकार काल मध्यरात्री उघडकीस आला. हवेली - कुर्टी भागात जोड रस्त्यावर ठेवलेले केबल अज्ञातांनी जाळले असून कंत्राटदाराला लाखो रुपयांचे नुकसान झाले आहे.

फोंडा अग्निशमन दलाला रस्त्यावर विजेचे केबल जळत असल्याची माहिती मिळाल्यावर त्यांनी घटनास्थळी धाव घेऊन आग विझवली. त्यामुळे मोठे नुकसान टळले. आग लावण्यासाठी अज्ञातांनी ते रस्त्यावर ओढून आणले व केबलच्या मध्ये फटाक्यांचे बॉक्स ठेवून आग लावली व पळ काढला. दरम्यान, या ठिकाणी असलेल्या सीसीटिव्ही कॅमेऱ्यात हा प्रकार कैद झाला असण्याची शक्यता आहे, पण याप्रकरणी पोलिसात तक्रार दाखल करण्यात आलेली नाही.