गोवा: राज्यातील कोविड-19 प्रकरणांमध्ये लक्षणीय वाढ झाल्यामुळे, गोवा विद्यापीठाने (Goa University)एक परिपत्रक जारी केले आहे, संबंधित परिपत्रका प्रमाणे जानेवारी महिन्यात नियोजित केलेल्या पदवीपूर्व विद्यार्थ्यांच्या सर्व परीक्षा आता ऑफलाईन पद्धतीने घेतल्या जातील. तसेच केवळ अंतिम वर्षाच्या परीक्षा ऑफलाइन किंवा ऑफलाईन पद्धतीने घेतल्या जातील, असे विद्यापीठाने म्हटले आहे. दरम्यान महाविद्यालयांमध्ये पदव्युत्तर कार्यक्रमांसाठी सेमिस्टर-अखेरच्या परीक्षा ऑफलाइन पद्धतीने घेतल्या जातील. युनिव्हर्सिटी कॅम्पस मध्ये परीक्षा ऑफलाइन (Online Exam) पद्धतीने घेतल्या जात आहेत.

शाळेवर असणार हे निर्बंध

सरकारने शाळा (Goa-School) आणि महाविद्यालयीन विद्यार्थ्यांसाठी उद्यापासून 26 जानेवारीपर्यंत ऑफलाईन वर्ग बंद ठेवण्याचा निर्णय घेतला आहे. तसेच इयत्ता 10, 11 आणि 12 मध्ये शिकणाऱ्या विद्यार्थ्यांना कोविड लसीचे (Covid Vaccination) डोस दिले जात असल्याने त्यांना शाळेत जावे लागेल. पहिला डोस झाल्यानंतर ते घरीच राहू शकतात आणि ऑनलाइन वर्ग सुरू ठेवू शकतात, अशी माहिती तज्ञ समितीचे सदस्य डॉ शेखर साळकर यांनी दिली.

नाईट कर्फ्यूची शिफारस

टास्क फोर्स समितीने 26 जानेवारीपर्यंत रात्री 11 ते सकाळी 6 पर्यंत रात्री कर्फ्यूची शिफारस केली आहे. दरम्यान घरातील समारंभावर पुढील निर्बंध लादले जातील, तथापि खुल्या हवेतील समारंभात कमी निर्बंध असतील, अशी माहिती डॉ साळकर यांनी दिली.