Korgao Tree Cutting Incident

मोरजी: कोरगाव पंचायत क्षेत्रात सर्वे क्रमांक २३९/० मधील जमिनीवर संरक्षक भिंत बांधण्याचे काम सुरू आहे. या भिंतीचे बांधकाम करत असताना वनखात्याची परवानगी न घेता शेकडो झाडांची कत्तल करण्यात आली आहे.

राहुल भगत या युवकाने कोरगाव पंचायत क्षेत्रात सर्वे क्रमांक २३९/० त्यामध्ये बेकायदेशीर संरक्षक भिंत बांधण्याचे काम जोमात सुरू असल्याचे सांगितले. कंपाउंड बांधताना हजारोच्या संख्येने झाडे कापल्याचे माहिती पत्रकार परिषदेत दिली.याबाबत त्यांनी ही माहिती देतानाच या भागातील जे नैसर्गिक झरे होते आणि त्यामुळे कोरगाव गावाला आणि सुकाळे भागात जे पाणी वाहून जात होते, हे पाणी शेतीला उपयुक्त होते. हे झरे एकाने नष्ट केले,असे सांगितले.

भगत आपल्याला बदनाम करताहेत; सरपंच

सरपंच अब्दुल करीम नाईक म्हणाले की, राहुल भगत हे माझ्या प्रभागातच राहतात. त्यांचा डाव हा पंचायत निवडणूक लढवण्याचा आहे. त्यामुळे विविध प्रकारे ते खटले दाखल करत आहेत. आपण अपात्र ठरल्यानंतर त्यांना पंचायत निवडणुकीत ते निवडून येऊ, असा त्यांचा मानस व इरादा असून त्या दृष्टिकोनातून ते नाहक त्रास देण्याचे काम करत आहेत,असे सरपंच अब्दुल करीम नाईक म्हणाले.