फर्मागुडी: येथील धोकादायक जंक्शनवर शुक्रवारी रात्री कंटेनर आणि दुचाकीची धडक झाली. या अपघातात दुचाकीस्वार अर्जुन लक्ष्मण नाईक याचा जागीच मृत्यू झाला. मृताचे वय 45 असून तो पाल-सिंधुदुर्ग, महाराष्ट्र येथील रहिवाशी होता. त्याची पत्नी अनुष्का नाईक जखमी झाली आहे. उपचारांसाठी तिला गोवा वैद्यकीय महाविद्यालयात (GMC) दाखल करण्यात आले आहे. (Accident News)

ओल्ड गोवा परिसरात माड कोसळून एका दुचाकीस्वाराचा मृत्यू झाल्याची माहिती समोर आली आहे. ओल्ड गोवा येथील राष्ट्रीय पुरातत्व सर्वेक्षण कार्यालयाजवळ ही दुर्घटना घडली. शुक्रवारी दुपारी हा अपघात (Accident) झाल्याची माहिती आहे. अपघातानंतर तरुणाला रुग्णालयात (Hospital) हलवण्यात आलं मात्र उपचारापूर्वीच त्याचा मृत्यू झाला होता.

ओल्ड गोवा (Old Goa) येथे माड पडून मृत्यू झालेल्या तरुणाचं नाव संजय गावस असल्याची प्राथमिक माहिती आहे. अपघातानंतर मृत तरुणापाशी त्याचं ओळखपत्र सापडलं आहे. या ओळखपत्रानुसार संजय हा एका फार्मा कंपनीचा कर्मचारी असल्याचं स्पष्ट झालं आहे. गोव्यात अनेक ठिकाणी झाडे कमकुवत स्थितीत असून त्यामुळे अपघातांची भीती निर्माण झाली आहे. त्यातच ओल्ड गोवा परिसरात झालेल्या अपघाताने या झाडांचा प्रश्न ऐरणीवर आला आहे.