Maharashtra Murder Case

कोलवा: महाराष्ट्रात खून करुन फरार झालेल्या दोघांना गोव्यातून अटक करण्यात आली आहे. उमरगा पोलिसांनी गोवा पोलिसांच्या मदतीने बेताळभाटी येथून शुक्रवारी (१७ जानेवारी) दोघांना अटक केली.

विकास दत्तात्रय जमादार (२६ उमरगा, महाराष्ट्र) आणि आकाश सहदेव मुतळे (उमरगा, महाराष्ट्र) असे अटक करण्यात आलेल्या दोघांची नावे आहेत. उमरगा पोलिस ठाण्याचे पोलिस उपनिरिक्षक पुजरवाड यांच्या नेतृत्वाखालील टीमने कोलवा पोलिसांच्या मदतीने ही कारवाई केली. अटक दोन्ही संशयित खूनाच्या गुन्ह्यात पाहिजे होते.

खून करुन फरार झालेल्या या दोघांचा उमरगा पोलिस शोध घेत होते. दरम्यान, दोघेही गोव्यात लपून बसल्याची माहिती पोलिसांना मिळाली. उमरगा पोलिसांनी गोवा पोलिसांनी याची माहिती दिल्यानंतर दोघांनी मिळून सखोल तपासास सुरुवात केली. अखेर दोघेजण बेताळभाटी येथे आढळून आले. कोलवा पोलिसांनी सोपस्कर पूर्ण करुन दोघांना पुढील कारवाईसाठी उमरगा पोलिसांच्या स्वाधीन केले.

पोलिस उपनिरिक्षक प्रथमेश महाले, हेड कॉन्स्टेबल रोहन नाईक, पोलिस कॉन्स्टेबल टोनी डिसोझा, सिद्धेश शिरोडकर, अक्षय वरक, अमर गांवकर, सत्यम देसाई, सतिश मदार आणि पांडुरग चव्हाण यांच्या पथकाने या कारवाईत सहभाग घेतला होता.