पणजी : कांपाल मैदानाशेजारी दोन गाड्यांना भीषण आग लागल्याने दोन्ही गाड्यांचे नुसकान झाले आहे. अग्निशमन विभागाच्या कर्मचाऱ्यांनी आग आटोक्यात आणली असून आगीचे नेमके कारण समजू शकलेले नाही. (Two vehicles caught fire near Kampal ground)

येथील कांपाल मैदानाशेजारी काही स्क्रॅप ची वाहणे लावलेली असतात. सुमारे रात्रीच्या 11 वाजण्याच्या सुमारास येथील दोन गाड्यांना भीषण आग लागली. त्यामुळे तेथे बघ्यांच्या गर्दी जमली. ज्यामुळे वाहतुकीला अडसर निर्माण झाला. ही बाब अग्निशमन (Firebrigade) विभागाला कळविण्यात येताच अग्निशमन दलाच्या कर्मचाऱ्यांनी तेथे धाव घेत ही आग आटोक्यात आणत आग विझवली. तसेच ही आग (Fire) कोणत्या कारणामुळे लागली याचे अद्याप कारण समजू शकलेले नसून दोन्ही वाहणांचे नुकसान झालेले आहे.

विकृत मानसाने आग लावली...

कांपाल मैदानाशेजारी काही स्क्रॅपची (scrap) वाहणे लावलेली असून त्यातील या वाहनांना (vehicles) एका विकृत मानसाने आग लावल्याचे बोलले जात आहे. मात्र अशा प्रकारचे कृत्य करणाऱ्याला कोणीही पाहिलेलं नसल्याचेही सांगण्यात येत आहे.