दाबोळी येथे दिल्लीतील दोन व्यावसायिकांना अडवून त्यांच्याकडून 16 लाखांची खंडणी उकळण्याच्या प्रकरणात वेर्णा पोलिसांनी आज (ता.04) केशव खाणवेकर आणि चंदन यादव या दोघांना अटक केली.
यातील चंदन यादव यानेच या प्रकरणातील मुख्य संशयित नितेश नाईक याला हे दोन्ही व्यावसायिक 16 लाख रुपये घेऊन गाडीने दाबोळीच्या बाजूने जात असल्याची माहिती दिली होती, असे पोलिस तपासात पुढे आले.
या प्रकरणात यापूर्वी वेर्णा पोलिसांनी निवडणूक प्रक्रियेत सहभागी असलेल्या नितेश नाईक आणि मुरगाव भरारी पथकातील अधिकारी अनिरुद्ध पवार या दोघांना अटक केली होती.
या दोन्ही कर्मचाऱ्यांनी त्या दोन व्यावसायिकांना आपण आयकर खात्याचे अधिकारी असल्याचे सांगून त्यांच्याकडून 16 लाखांची रक्कम जप्त केली होती. मात्र, ही रक्कम सरकारी तिजोरीत न भरता स्वतःकडेच ठेवली होती.
या प्रकरणात या दोन्ही कर्मचाऱ्यांच्याविरोधात भादंसंच्या 419 (बनावट ओळख दाखविणे) आणि 384 (बळजबरीने खंडणी वसूल करणे) असे गुन्हे नोंद केले आहेत.
16 लाखांची खंडणी घेतल्या प्रकरणी दोन पोलिसांनाही निलंबित करण्यात आले आहे. त्यात हवालदार विनायक कळंगुटकर आणि कॉन्स्टेबल आनंद नाईक यांचा समावेश आहे. दक्षिण गोवा पोलिस अधीक्षक सुनिता सावंत यांनी तसा आदेश जारी केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.