मडगाव: रात्रीच्या वेळी आपल्या मित्रांबरोबर बाणावली (Benaulim beach) येथील समुद्र किनाऱ्यावर दोन अल्पवयीन मुली फिरायला आल्या होत्या. दरम्यान समुद्रकिनाऱ्यावर काही मुलं आले असून त्यांनी आपण पोलीस असल्याचे भासवून बलात्कार करण्याची घटना गोव्यात घडली. या प्रकरणी कोलवा पोलिसांनी 4 जणांना अटक केली आहे. (Two minor girls raped on Benaulim beach in Goa)

ही घटना रविवारी पहाटे 3 च्या सुमारास घडली. मिळालेल्या माहितीनुसार 10 मित्र मैत्रिणीचा गट रात्रीच्या वेळी बाणावली किनाऱ्यावर फिरायला आला होता. त्यापैकी 5 जण पहाटेपर्यंत तिथे राहिले होते. पहाटे 3 च्या सुमारास ते परत घरी जाण्यास निघाले होते. त्यावेळी हे 4 संशयित आपल्या गाडीत दारू पित बसले होते. त्यांनी या 5 मुलांना पहिल्यावर आपण पोलिस असल्याचे सांगून त्यांना अडविले. त्यांच्या बरोबर असलेल्या अन्य तीन मुलांना मारहाण करून त्या दोन अल्पवयीन मुलींवर बलात्कार केला.

नंतर तुमच्यावर केलेल्या आगळीकीचे आम्ही चित्रीकरण केले आहे. ते व्हायरल करायचे नसल्यास 40 हजार रुपये द्या असा धमकीचा फोन आरोपींनी मुलींना केला. असा फोन आल्यावर त्या मुलींनी प्रकरणी पोलिसात तक्रार केली. या तक्रारीची दखल घेत तातडीने कोलवा पोलिसांनी काल रात्री उशिरा या 4 संशयिताना अटक करण्यात आली.