Lane Closed For Traffic: राज्यात ठिकठिकाणी गेल्या दोन महिन्यांपासून रस्त्यांची कामे सुरू आहेत. आता गोव्यात मान्सूनला सुरुवात झाली असूनही या कामांना पूर्णविराम मिळाला नसल्याचे चित्र आहे

सुकेकुळण - धारगळ येथे चार पदरी मार्गावरून (एन एच 66) जाणाऱ्या लिंक रोडच्या बोवस्ट्रिंग गर्डरचे काम सुरु आहे. अपघात होऊ नये यासाठी या ठिकाणी चार लेनपैकी दोन लेनवरील वाहतूक बंद ठेवण्यात आली आहे.

सार्वजनिक बांधकाम खात्यातर्फे ही बंदी वाढवण्यात आली असून या दोन लेन 31 जुलै 2023 पर्यंत बंद असल्याचे सांगण्यात आले आहे. दोन्ही बाजूच्या प्रत्येकी एक-एक लेन वाहतुकीसाठी बंद असणार आहेत.

मात्र यामुळे वाहतूक नियंत्रणात काही प्रमाणात अडचण निर्माण होण्याची शक्यता व्यक्त करण्यात आली आहे.