आज सायंकाळी वास्को येथील दोन घरांना आग लागली असल्याची घटना घडली आहे. लागलेल्या आगीमध्ये दोन्ही घरातील प्रापंचिक साहित्य जळाले असून या आगीत कोणतीही जीवितहानी झालेली नाही.

( Two houses in Driver Hill Vasco were destroyed in the fire )

मिळालेल्या माहितीनुसार आज दिनांक 31 ऑक्टोबर रोजी वास्को येथील ड्रायव्हर हिल (Driver Hill ) या परिसरातील दोन घरांना अचानक आग लागल्याची घटना घडली आहे. ही घटना सायंकाळी 6 च्या दरम्यान घडली असून यात घरातील प्रापंचिक साहित्य जळाले आहे. मात्र सुदैवाने कोणतीही जीवितहानी झालेली नाही. या घटनेची माहिती मिळताच घटनास्थळावर अग्निशमन दलाने आपल्या फौजफाट्यासह दाखल होत काही आगीवर नियंत्रण मिळवले आहे.

सध्या ही आग आटोक्यात आली असून अग्निशमन दलाने शर्थीचे प्रयत्न केल्याने या परिसरातील इतर घरे आगीच्या भक्ष्यस्थानी पडण्यापासून वाचली. मात्र आग लागण्याचं नेमकं कारण काय हे अद्याप समजलेलं नाही. काही प्रत्यक्षदर्शींनी सांगितले की अचानक या दोन घरांमधून धुराचे लोट उठू लागले. मात्र आग लागण्याचं नेमकं कारण समजू शकलेले नाही.