पर्यटकांना मारहाण करून त्यांना जीवे मारण्याची धमकी दिली. तसेच, हणजूणपर्यंत त्यांचा पाठलाग करून एका पर्यटकाचे अपहरण करण्यात आले. आज पहाटेच्या सुमारास बागा-कळंगुट परिसरात ही घटना घडली. याप्रकरणी कळंगुट पोलिसांनी आता दोन आरोपींना अटक केली आहे.

इम्रान कुरेशी आणि मार्शल कार्दोज (रा. मुड्डावाडो कळंगुट) असे अटक संशयित आरोपींची नावे आहेत. कळंगुट पोलिसांनी तक्रार दाखल झाल्यानंतर काही तासांमध्ये या प्रकरणाचा छडा लावला, व अपहरण झालेल्या तामिळनाडू येथील पर्यटकाची सुटका केली आहे.

काय आहे प्रकरण?

बागा येथे अज्ञात आरोपींनी दोन पर्यटकांना आज पहाटेच्या सुमारास धमकी देत गंभीर मारहाण केली व जीवे मारण्याची धमकी दिली. त्यानंतर त्या पर्यटकांचा हणजूणपर्यंत पाठलाग करून एका पर्यटकाचे अपहरण केले. दरम्यान, त्याच्या साथीदाराने कळंगुट पोलिसांत तक्रार दिल्यानंतर पोलिसांनी तात्काळ तपास यंत्रणा मार्गस्थ करत प्रकरणाचा छडा लावला आहे.