बागा येथे दोन पर्यटकांना धमकी देत गंभीर मारहाण केल्याचा प्रकार समोर आला आहे. त्यापैकी एका पर्यटकाचे हणजूण येथून अपहरण केल्याची धक्कादायक माहिती समोर आली आहे. याप्रकरणी कळंगुट पोलिसांनी दोन अज्ञात इसमांविरोधात गुन्हा दाखल केला आहे. आज (दि.19) पहाटे साडे चारच्या सुमारास ही घटना घडली.
याबाबत अधिकची माहिती अशी की, दोन अज्ञात इसमांनी दोन पर्यकांची अडवणूक करून, त्यांना मारहाण केली तसेच, जीवे मारण्याची धमकी दिली. त्यानंतर पर्यकांचा हणजूण पर्यंत पाठलाग केला व त्यापैकी एकाचे अपहरण करून त्याला अज्ञात स्थळी नेण्यात आले आहे. एका पर्यटकाने याबाबत कळंगुट पोलिस ठाण्यात याप्रकरणी तक्रार दाखल केली असून, पोलिसांनी दोन अज्ञात इसमांविरोधात गुन्हा दाखल केला आहे.
ड्रग्ज प्रकरणी फोंडा येथील प्रीतेश बोरकर याला अटक
ड्रग्ज प्रकरणात हैद्राबाद पोलिसांनी मुळ फोंडा येथील प्रीतेश बोरकर उर्फ काली याला अटक केली आहे. किनारी भागात बड्या क्लब मालकांविरूद्ध हैद्राबादमध्ये गुन्हा करण्यात आला आहे. नाना साळगावकर, विकास उर्फ विकी नाईक, रमेश चौहान, स्टीव, एडवीन नुनीस, संजा गोवेकर यांच्यावर एफआयआर नोंदविण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.