फोंडा आणि साखळी नगरपालिका निवडणुकांसाठी एकूण 108 अर्ज ग्राह्य ठरवण्यात आले होते. यातील साखळी पालिकेसाठी 57 अर्ज सादर झालेले होते. दरम्यान साखळी नगरपालिका निवडणूकीत दोघा उमेदवारांची बिनविरोध निवड झाली आहे. या निवडणूकीत एकूण 23 उमेदवारांनी उमेदवारी अर्ज मागे घेतले.

साखळी नगरपालिका निवडणूकीत प्रभाग क्रमांक 5 मधून प्रविण ब्लॅगन यांची बिनविरोध निवड तर प्रभाग क्रमांक 8 मधून रियाज खान यांची बिनविरोध निवड झाली आहे. माजी नगराध्यक्ष रियाज खान यांनी सगलानींची साथ सोडत हल्लीच त्यांनी भाजपमध्ये प्रवेश केला. या निवडणूकीत बिनविरोध निवडून येत त्यांची साखळी नगरपालिकेवर दुसऱ्यांदा निवड झाली आहे.

तर टुगेदर फॉर साखळी गटाचे प्रविण ब्लॅगन यांची प्रभाग क्रमांक 5 मधून बिनविरोध निवड झाली आहे. साखळी नगरपालिका निवडणूकीत एकूण 23 उमेदवारांनी निवडणूकीतून माघार घेतली आहे. त्यामुळे आता साखळीत 12 प्रभागांमधून 31 उमेदवार रिंगणात आहेत.