Two drowns at Mainapi Waterfall Netravali

नेत्रावळी सांगे येथील मैनापी धबधबा येथे दोघेजण बुडाल्याची माहिती समोर आली आहे. बचाव पथकाने शोधकार्य सुरू केले असून, एकाचा मृतदेह मिळाला आहे, तर दुसऱ्याचा अद्याप शोध सुरू असल्याची माहिती मिळाली आहे.

पोलीस आणि अग्निशमन दलाचे जवान घटनास्थळी दाखल झाले असून, शोधकार्य सुरू आहे.

धुवांधार पाऊस सुरू असल्याने विकेंडला धबधब्यांवर पर्यटकांची गर्दी वाढत आहे. मात्र गेल्या काही दिवसांत या धबधब्यांवर घडणाऱ्या दुर्घटनाही वाढल्या आहेत. आज रविवारी सांगे तालुक्यातील नेत्रावळी अभयारण्यातील मैनापी धबधब्यावर आज दोघेजण बुडाल्याची दुर्घटना घडली. यापैकी एकाचा मृतदेह मिळाला असून दुसऱ्याचा शोध सुरू आहे.

मिळालेल्या माहितीनुसार, आज रविवारची सुट्टी असल्याने मित्रांचा एक गट मैनापी धबधब्यावर पर्यटनासाठी गेला होता. आंघोळीसाठी पाण्यात उरलेल्या पैकी दोघांना पाण्याचा अंदाज न आल्याने ते बुडाले. मित्र आणि इतरांनी त्यांना वाचविण्याचा प्रयत्न केला. परंत त्यांना यश आले नाही. काही वेळाने बुडाल्यापैकी एकाचा मृतदेह तेथेच तरंगताना आढळला तर दुसऱ्याचा शोध सुरू आहे.