Goa Police: सागवानची झाडे कापून लाकडाची तस्करी करणाऱ्या दोघांना गोवा पोलिसांनी रंगेहाथ पकडले आहे. मायना सुकूरमध्ये पर्वरी पोलिसांनी कारवाई केली आहे. दोघाही संशयितांना अटक करण्यात आली असून त्यांच्याकडे या चोरीसह इतरही प्रकरणांबाबत चौकशी केली जात आहे.

बाबूराव हळर्णकर (रा. मायना सुकूर) आणि आंतानियो फर्नांडिस (रा. सांता क्रुझ, पणजी) अशी अटक केलेल्यांची नावे आहेत. जीए 07 एफ 5073 या टेम्पोतून या लाकडाची तस्करी केली जात होती. या दोघांनी सागवानची तीन झाडे कापली होती.

त्यासाठी कोणतीही परवानगी घेतली गेली नसल्याचे बोलले जात आहे.

दरम्यान, पोलिसांना याची कुणकुण लागली होती. पोलिसांनी पाळत ठेऊन हा टेम्पो पकडला. यातून सागवानी लाकडाची तस्करी केली जात होती. ही लाकडेही पोलिसांनी जप्त केली आहेत.