मडगाव: तृणमुलच्या नावेली (Navelim) मतदारसंघातील उमेदवार वालांका आलेमाव (Valanka Alemao) यांनी रुमडामळ येथून घरोघरी प्रचार सुरू केला आहे. वडील चर्चिल आलेमाव यांनी नावेलीचे आमदार असताना भरपूर कामे केलीत. त्यांना पाठिंबा देणारे मतदार आपल्यालाही देतील अशी अपेक्षा त्यांनी व्यक्त केली.

चर्चिल आलेमाव (Churchill Alemao) आणि लुईझींन फालेरो (Luizinho Faleiro) यांच्या पाठिंब्यामुळे आपण या मतदारसंघात विजय मिळवू असा विश्वास त्यांनी व्यक्त केला. दरम्यान, चर्चिल आलेमाव, लुईझींन फालेरो आणि आलेक्स रेजिनाल्ड लॉरेन्स हे तीन आमदार आता तृणमूलच्या बाजूने गेल्याने सासष्टी तालुक्यात किमान तीन जागा तृणमूलने (TMC) जिंकण्याची आशा ठेवली आहे. नावेली मतदारसंघातील लढत चौरंगी होणार असल्याने ही निवडणूक (Election) कोणीही जिंकू शकतो अशी प्रतिक्रिया राजकीय विश्‍लेषक क्लिओफात कुतीन्हो यांनी व्यक्त केली.