Goa Rain Update: मागील काही दिवसात जोरदार पाऊस सुरू असून राज्यात ठिकठिकाणी पडझडीच्या घटनांमध्ये वाढ झाली आहे. काल रात्री झालेल्या पावसामुळे काही ठिकाणी झाडे उन्मळून पडल्याच्या घटनांची नोंद झाली आहे.

काल (29 जून) हरमलमध्ये पावसाचा जोर वाढल्याने एक झाड विजेच्या तारांवर कोसळले. या घटनेमध्ये कोणत्याही प्रकारची जीवितहानी झाली नसली तर याचा भागातील वीजपुरवठ्यावर परिणाम झाल्याचे सांगण्यात येत आहे.

झाड कोसळल्यानंतर पेडणे अग्निशमन दलाच्या जवानांनी घटनास्थळी धाव घेत ते झाड हटवण्याचे काम केले.

दुसरीकडे, कांदोळी रस्त्यावरील एका कारवर पावसामुळे आंब्याचे मोठे झाड पडले. अग्निशमन दलाच्या जवानांनी गाडीवरून हे झाड हटवण्याचे काम केले.