Missing Elderly Woman Found Dead

हडफडे: घरातून अचानाक बेपत्ता झालेल्या ७६ वर्षीय महिलेचा सहा दिवसांनी मृतदेह सापडल्याची घटना उघडकीस आली आहे. फुलदे वाडो, नागोवा येथील घरातून ही महिला २९ डिसेंबरला अचानक बेपत्ता झाली. पोलिसांत तक्रार देऊन शोधाशोध सुरु केली असता पाच दिवसांनी महिलेचा मृतदेह नाल्यात आढळून आला.

प्रमिला हिरोजी (वय ७६) असे या मृत महिलेचे नाव आहे. मिळालेल्या माहितीनुसार, प्रमिला हिरोजी २९ डिसेंबर रोजी सायंकाळाच्या सुमारास फुलदे वाडो, नागोवा येथून बेपत्ता झाल्या. कुटुंबियांनी महिलेच्या बेपत्ता झाल्याची तक्रार पोलिसांत दाखल केली. तपासाअंती महिलेचा मृतदेह हडफडे येथील नाल्यात आढळून आला आहे.

महिलेचा मृत्यू नेमका कशाने झाला? सहा दिवस त्या कोठे होत्या? याबाबत अधिक माहिती समोर आलेली नाही. पोलिस याप्रकरणी अधिक तपास करतायेत.