पर्ये - चोर्ला घाटाच्या ( Chorla Ghat , connecting Goa to belgaum ) अंजुणे धरण परिसर आणि जांभळीकडे येथील घाट मार्गावर आज दुपारी झाडे पडल्याने घाट मार्गावरील वाहतुकीचा खोळंबा झाला. त्यानंतर वाळपई अग्निशमन दलाने घटनास्थळी दाखल होऊन रस्त्यावर पडलेली झाली हटवली. सुरुवातीला अंजुणे भागातील झाडे व नंतर जांभळीकडे भागातील झाड हटवले. वाळपई अग्निशमन दलाचे निरीक्षक संतोष गावस( Santosh Gawas , fire inspector , valpoi fire and emergency services ) यांच्या मार्गदर्शनाखाली ही कामगिरी पार पाडली. (Traffic jams due to falling trees in Chorla Ghat)

दरम्यान आज ही झाडे पडल्याने या मार्गावरील दोन तास वाहतूक ठप्प झाली होती व त्यामुळे दोन्ही बाजूंनी वाहनांच्या रांगा लागल्या होत्या. झाडे हटवल्यावर केरी वाहतूक पोलिसांनी ही वाहतूक सुरळीत करण्यात मदत केली.

गेल्या दोन महिन्यांपासून या भागात जोरदार पाऊस पडत असल्याने घाट मार्गाचा रस्ताच्या बाजू दलदलीत झाल्या आहेत. त्यामुळे रस्त्याबाजूची बरीच झाडे वाकलेली असून धोकादायक स्थितीत आहे. तेव्हा रस्त्याबाजूची वाकलेले झाडे तोडावी अशी मागणी केली जात आहे.