गोव्यात येणाऱ्या पर्यटकांसोबत अनेकदा लहान-मोठे अपघात घडत असतात. आसगाव येथे सात पर्यटकांसह एका भाड्याच्या जीपचा अपघात झाल्याची घटना घडली आहे. ही जीप नाल्यात जाऊन हा अपघात झाला आहे.

जीपमधील दोन जणांच्या डोक्याला आणि पायाला दुखापत झाली आहे, तर इतर लोक किरकोळ जखमी झाले आहेत. अपघात झाल्यावर स्थानिकांनी रहिवाशांची पाण्यातून सुटका केली. जीपचा चालक दारूच्या नशेत असल्याचा संशय स्थानिकांचा व्यक्त केला आहे.

दरम्यान, काणकोणातील बामणबुडो, तुडला व कुस्के धबधबे वाहू लागले आहेत. मात्र, पावसाने अद्याप गती न घेतल्याने ते पूर्ण क्षमतेने वाहण्यास सुरूवात झाली नसली तरी धबधब्याचे मनोहारी सौंदर्य अनुभवण्यासाठी पर्यटकांचे या धबधब्यांकडे पाय वळू लागले आहेत.