पर्वरी : पर्वरी हाउसिंग काॅलनीजवळ असलेल्या जलशुद्धीकरण प्रकल्पाला मानवी साखळी बनवून ‘जलही जीवन’ हा संदेश गरुवार, 29 रोजी सेवा पंधरवडा कार्यक्रमात पर्यटनमंत्री रोहन खंवटे यांनी दिला.

या कार्यक्रमात पर्यटनमंत्र्यांसह जिल्हा पंचायत सदस्य कविता नाईक, पेन्ह-द-फ्रान्सचे सरपंच स्वप्नील चोडणकर, पंच रवी नाईक, सुकूर पंचायतीच्या सरपंच सोनिया पेडणेकर, पर्वरी रायझिंग क्लबचे अध्यक्ष सूरज बोरकर, मान्यवर व मोठ्या संख्येने ग्रामस्थ उपस्थित होते.

खंवटे यांनी सांगितले, की पंतप्रधान नरेंद्र मोदी यांच्या वाढदिवसानिमित्त पर्वरीत व्होकल फाॅर लोकल, स्वच्छ सागर सुरक्षित सागर, युनिटी इन डायव्हर्सिटी व इतर अनेक कार्यक्रम करण्यात आले. सर्व जीवितांना पाण्याची गरज असून पाण्याची बचत न केल्यास तिसरे महायुद्ध पाण्यासाठी होईल. पर्वरीत पाण्याची टंचाई कमी करण्यासाठी जलशुद्धीकरण प्रकल्प आणला आहे.