पणजी: राज्यात 8 ते 11 मार्च या दरम्यान मेघगर्जनेसह सौम्य स्वरूपाचा पाऊस पडण्याची शक्यता गोवा हवामान खात्याच्या वेधशाळेद्वारे (IMD Goa) वर्तवली होती. त्याप्रमाणे आज केरी सत्तरी (Keri, Sattari) येथे पावसाने जोरदार हजेरी लावली. सुमारे अर्धा तास पासवाने येथे हजेरी लावल्याने केरी सत्तरी भागातील नागरिकांना थोडा आराम मिळाला. मात्र पणजी सह तटीय भागातील नागरिकांना वाढत्या पाऱ्याला तोंड द्यावे लागत आहे. (rainfall in Keri, Sattari)

केरळच्या (keral) किनाऱ्यापासून कोकण (kokan)किनाऱ्यापर्यंत त्याचप्रमाणे तटीय कर्नाटक प्रदेशात कमी दाबाचा पट्टा निर्माण झाल्याने येत्या तीन ते चार दिवसात गोवा राज्यात पाऊस पडण्याची शक्यता हवामान खात्याच्या वेधशाळेद्वारे (IMD Goa) वर्तवली होती. तर पणजी वेधशाळेचे वैज्ञानिक (Scientist) राहुल एम यांनी सांगितले, सत्तरी सांगे आदी सीमेलगतच्या तालुक्यात आज बुधवारी पाऊस पडण्याची शक्यता असून तापमानात (temperature) वाढ व हवेतल्या ओल्यामुळे पाऊस पडण्याची शक्यता असल्याचे सांगितले होते. तसेच नागरिकांनी मोकळ्या आभाळाखाली, खुल्या जागेत, शेतात तसेच उंच झाडाखाली आसरा घेणे टाळावे असे आवाहन गोवा हवामान खात्याकडून (Goa Meteorological Department) करण्यात आले होते.