Traditional Business जैवविविधता मंडळाकडून पर्यावरणपूरक उपक्रम राबवण्यात येत असून पारंपारिकरीत्या चालणारे व्यवसाय बंद पडू नये, यासाठी मंडळाकडून प्रयत्न केले जात आहेत. याचा भाग म्हणून आता ग्रीन स्किलिंग उपक्रम सुरू करण्यात आला आहे, अशी माहिती जैवविविधता मंडळाचे सदस्य सचिव प्रदीप सरमोकादम यांनी दै. ‘गोमन्तक’ला दिली.

ते पुढे म्हणाले, ज्या माध्यमातून पारंपरिक पद्धतीने बांध बांधणे, झाडावर चढणे, रेंदेर प्रशिक्षण आणि तळ्यांचे बांधकाम केले गेले आहे. पारंपरिक व्यवसाय करणाऱ्यांना प्रशिक्षण देऊन त्यांना कौशल्यपूर्ण करून यातून उपजिविका निर्माण करण्याचा या मागचा हेतू आहे, राज्यातील बांध, कुळागर आणि तळांचे बांधकाम पूर्वी पारंपरिक पद्धतीने केले जात होते, परंतु हल्लीच्या काळात पारंपरिक व्यवसाय करणाऱ्यांची संख्या दिवसेंदिवस कमी होत चालली आहे.

युवा वर्गानेही या व्यवसायात यावे, तळांचे बांधकाम पूर्वी पारंपरिक पद्धतीने केले जात होते, परंतु हल्लीच्या काळात पारंपरिक व्यवसाय करणाऱ्यांची संख्या दिवसेंदिवस कमी होत चालली आहे. युवा वर्गानेही या व्यवसायात यावे, यासाठी विशेष प्रशिक्षण दिले जाणार आहे. एखादा या व्यवसायात तरबेज झाल्यानंतर त्यांच्या व्यवसायालाही प्रतिष्ठा येणार आहे, असे सरमोकादम यांनी स्पष्ट केले.

ग्रीन उपक्रमासाठी समिती

ग्रीन उपक्रमासाठी तज्ज्ञांची समिती स्थापन केली आहे. सध्या उपक्रमाअंतर्गत राज्यात अनेक ठिकाणी लहान कामे हाती घेण्यात आली आहेत. यात चोडण येथील पारंपरिक पद्धतीने गुळाचा वापर करून सुमारे 500 मीटर बांधाचे बांधकाम करण्यात आले आहे.

तसेच सावईवेरे येथील तळे, कुडतरी येथील शेतातील पारंपरिक छोटे बांध दुरुस्तीची कामे करण्यात आली. पंचायतींना या उपक्रमात सहभागी करून घेतले आहे. त्याशिवाय शिक्षकही सहभागी झाले आहेत. पारंपरिक व्यवसायातील कौशल्य पुनरुज्जीवित करण्यासाठी हा उपक्रम राबवण्यात आला आहे.