पणजी: बोट कंपनीचा सह – संस्थापक अमन गुप्ताने आजच्या आणि पूर्वीच्या गोव्याची तुलना करताना गोव्यातील जुन्या आठवणींना उजाळा दिला. पूर्वी गोव्यात होणाऱ्या छुप्या पार्टी आणि रेव पार्टीत परदेशी पर्यटकांचे वर्चस्व होते आणि भारतीय पर्यटक दिसत देखील नव्हते, असे अमन गुप्ता म्हणाला. प्रखर गुप्ताच्या एक्सप्रिएन्स या पॉडस्कास्ट मध्ये अमन बोलत होता.

देशात कोणत्या ठिकाणी फिरायला आवडते असा प्रश्न अमन गुप्ताला विचारण्यात आला होता. या प्रश्नाला उत्तर देताना त्याने जयपूर, नैनीतालसह गोवा खूप आवडत असल्याचे सांगितले. एवढेच नव्हे तर लहानपणापासून गोव्यात फिरण्यासाठी जात असल्याचे त्याने सांगितले.

'दिल चाहता है', सिनेमा येण्यापूर्वी पासून आम्ही मित्र गोव्यात जातोय, त्यांनी कुठून आमची स्टोरी बघितली आणि त्याचा सिनेमा केला माहिती नाही, असेही अमन गमतीने म्हणाला.

अमन गुप्ता म्हणाला, “आम्ही गोव्यात हणजूण येथे जायचो त्यावेळी तिथे इस्त्रालयच्या नागरिकांचे अधिक वर्चेस्व होते. तिथे भारतीयांना राहायला देखील जागा मिळायची नाही. गोव्यातील लोक देखील भारतीयांचा तेवढा आदर करत नव्हते. आज भारतीय पर्यटक गोव्यात इतर पर्यटकांएवढाच खर्चे करतात. त्यामुळे अलिकडे भारतीय पर्यटकांचे उत्साहाने गोव्यात स्वागत केले जाते,” असे अमन म्हणाला.

येथे पाहा पॉडकास्ट

२००० सालची आठवण सांगताना क्लब कबाना आणि बाम्बू फॉरेस्ट, हिल टॉप येथील पार्टी करत असल्याचे अमनने सांगितले. याठिकाणी मोठ्या संख्येने परदेशी पर्यटकच होते. यात आमच्या शिवाय भारतीय दिसत नव्हते, असे अमन गुप्ता म्हणाला. या पार्टीत केवळ टेक्नो संगीत वाजायचे असेही अमन गुप्ता म्हणाला.