Goa Accident कुठ्ठाळी-सांकवाळ महामार्गावर फॉर्च्युनर कारने चार वाहनांना ठोकरल्याने त्यांचे मोठे नुकसान झाले. पर्यटकांसह तिघे गंभीर जखमी झाले.

ही घटना गुरुवारी (ता.८) दुपारी पावणेतीन वाजता घडली. दाबोळी विमानतळाच्या दिशेने भरवेगाने जाणाऱ्या फॉर्च्युनर कारने सांकवाळ येथे ओव्हरटेक करण्याच्या नादात चार वाहनांना ठोकरले.

यावेळी वास्कोहून कुठ्ठाळीच्या दिशेने येणाऱ्या वेगनआर (जीए ०६ टी ५०६२) या कारला ठोकर दिली असता ती कार पलटली. ही कार दाबोळी विमानतळावरून मोपा विमानतळावर पर्यटकांना घेऊन जात होती. या अपघातात दोन पर्यटक व कार चालक गंभीर जखमी झाले. त्यांना १०८ मधून बांबोळी येथे गोवा वैद्यकीय महाविद्यालयात हलविण्यात आले.