Bangladeshi detainees Dainik Gomantak
गोवा

डिटेन्शन सेंटरचे पत्रे उचकटून गोव्यातून बांगलादेशी नागरिकांचे पलायन! पोलिसांची निष्क्रियता उघड

गोमन्तक डिजिटल टीम

म्हापसा: तिघा बांगलादेशी नागरिकांनी समाज कल्याण संचालनालयाच्या स्थानबद्धता केंद्राच्या (डिटेन्शन सेंटर) छताचे पत्रे उचकटून संरक्षक भिंतीवरून उडी मारून पलायन केले. विशेष म्हणजे, या केंद्रावर चार पोलिसांचा पहारा असतो. या चारही पोलिसांच्या हातावर तुरी देऊन त्यांनी पोबारा केल्यामुळे पोलिसांची निष्क्रियता पुन्हा अधोरेखित झाली आहे.

याप्रकरणी म्हापसा पोलिस स्थानकात गुन्हा नोंद झाला असून, पोलिसांकडून सध्या शोधमोहीम सुरू आहे.मोहम्मद हावलेदर (१९), मोहम्मद हिलाल (३५), मोहम्मद मरिदा (२५) अशी त्या तिघांची नावे आहेत. या तिघांनी रविवारी पहाटे ३ ते ४ या कालावधीत पलायनाची योजना अंमलात आणली.

या बांगलादेशी नागरिकांना पेडणे पोलिसांनी चोरी प्रकरणात अटक केली होती. न्यायालयाने तिघांना दोषी ठरविले होते. कोलवाळ कारागृहात सहा महिन्यांची शिक्षा भोगल्यानंतर या तिघांना डिसेंबर २०२३ मध्ये म्हापसा येथील स्थानबद्धता केंद्रात ठेवले होते.

या तिघांकडे कुठलीही कागदपत्रे नसल्याने त्यांना मुक्त केले नव्हते. याविषयी गृह खात्याने बांगलादेश प्रशासनाशी संपर्क साधला होता. मात्र, त्यांच्याकडून कोणताही पत्रव्यवहार झालेला नाही. त्यामुळे तिघांनाही म्हापसा स्थानबद्धता केंद्रात ठेवले होते.

ठाण्याजवळच केंद्र, तरी पोलिस अनभिज्ञ

म्हापसा पोलिस स्थानकाच्या शेजारीच असलेल्या या स्थानबद्धता केंद्रात २४ डिसेंबर २०२३ रोजी या तीन बांगलादेशी नागरिकांना ठेवले होते. आता ते पळून जाण्यात यशस्वी ठरल्याने या केंद्राच्या सुरक्षिततेचा मुद्दा पुन्हा ऐरणीवर आला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rahul Gandhi: 'गोव्यात भाजप सांप्रदायिक तणाव निर्माण करतंय'; राहुल गांधींचा हल्लाबोल

St. Francis Xavier DNA Test Row: वेलिंगकरांविरोधात रस्त्यावर उतरलेल्या आंदोलकांची माघार! राजकीय मायलेजचा मुद्दा नडला

Leopard Trapped at Pissurlem: ..अखेर बिबट्या जेरबंद! पिसुर्ले ग्रामस्थांनी सोडला सुटकेचा नि:श्वास

CM Pramod Sawant: पोल्ट्री उद्योगातून 'स्वयंपूर्ण गोवा' करण्यासाठी सरकार करणार मदत

Viral Video : ‘तो’ व्हिडिओ गोव्याचा नव्हे, कांगोचा

SCROLL FOR NEXT