Goa Weather Updates काही दिवसांपूर्वी राज्यात अवकाळी बरसला असून वातावरणात बराच बदल झालेला आहे. अवकाळी पावसानंतर तापमानात मोठ्या प्रमाणात वाढ झाली असून नागरिक उष्म्यामुळे हैराण आहेत.

गेल्या काही दिवसांपासून राज्यात कमाल तापमान किमान तापमानाहून अधिकच आहे. पुढील चार-पाच दिवसांत राज्यातील कमाल तापमानात एका अंशाने वाढ होण्याची शक्यता गोवा वेधशाळेने वर्तविली आहे.

सोमालिया तटावर दक्षिण-पश्‍चिम अरबी समुद्रात 60 ते 60 किमी प्रतितास वेगाने वारे वाहण्याची शक्यता असल्याने 17 मेपर्यंत मच्छीमारांनी समुद्रात न जाण्याचा इशारा वेधशाळेने दिला आहे.

आज, शनिवारी पणजी येथे कमाल 34.7, तर किमान 28.4 अंश सेल्सिअस तापमान नोंदविण्यात आले.