The video that is going viral is from the Mumbai airport, where some people are seen sitting on the 'runway' eating and relaxing:

सोशल मीडियावर सध्या एक व्हिडिओ व्हायरल होत आहे, तो पाहून तुम्ही थक्क व्हाल. व्हायरल होत असलेला व्हिडिओ मुंबई विमानतळावरचा आहे, जिथे काही लोक 'रनवे'वर बसून जेवताना आणि आराम करताना दिसत आहेत.

एएनआय या वृत्तसंस्थेने मुंबई विमानतळाच्या 'रन वे'वर बसलेल्या प्रवाशांची छायाचित्रेही शेअर केली आहेत, जिथे इंडिगोची विमानेही दिसत आहेत.

वृत्तसंस्था एएनआयने सांगितले की, गोव्याहून दिल्लीला जाणारे इंडिगो फ्लाइट क्रमांक 6E 2195 (इंडिगो गोवा-दिल्ली फ्लाइट) ऑपरेशनल समस्यांमुळे मुंबईकडे वळवण्यात आले. वृत्तसंस्था एएनआयने सांगितले की, विमानतळाच्या सूत्रांनी उड्डाण वळवल्याची पुष्टी केली आहे.

एका प्रवाशाने ट्विट करून लिहिले की, 'इंडिगोच्या गोवा-दिल्ली फ्लाइटला 12 तासांपेक्षा जास्त उशीर झाल्यानंतर प्रवाशांनी इंडिगो विमानाच्या शेजारी बसून जेवण केले.'

इंडिगो फ्लाइटच्या सहवैमानिकाला उड्डाण करण्यास उशीर झाल्यामुळे प्रवाशाने मारहाण केल्याची क्लिप व्हायरल झाल्यानंतर काही तासांनंतर, सोशल मीडियावर आता हा व्हिडिओ समोर आला आहे. ज्यामध्ये प्रवासी रात्रीचे जेवण रन वे वर करताना दिसत आहेत.

ट्विटरवर अनेक यूजर्सनी दावा केला की, 14 जानेवारी रोजी गोवा ते दिल्ली इंडिगो फ्लाइटला सुमारे 18 तास उशीर झाला आणि नंतर ते मुंबईकडे वळवण्यात आले.

उड्डणास झालेल्या विलंबामुळे निराश झालेल्या 6E2195 फ्लाइटच्या प्रवाशांनी इंडिगो विमानाच्या शेजारी बसून रनवेवर विश्रांती घेण्याचे आणि रात्रीचे जेवण करण्याचा निर्णय घेतला. ट्विटरवर शेअर केलेल्या व्हिडिओंमध्ये काही प्रवासी जेवण करताना दिसत आहेत. तर काही प्रवासी धावपट्टीवर विश्रांती घेत आहेत.

ही फ्लाइट 14 जानेवारी (रविवार) सकाळी 9:15 वाजता गोव्याहून दिल्लीला निघणार होते, परंतु ते संध्याकाळी टेक ऑफ करून 15 जानेवारी (सोमवार) सकाळी 5:12 वाजता मुंबईत उतरले.