गोव्यात पुढील वर्षी विधानसभा निवडणुका होणार आहेत. हे पाहता आम आदमी पार्टी आणि (AAP) तृणमूल काँग्रेस (TMC) देखील राज्यात जोरदार प्रचार करत आहे. दरम्यान, अरविंद केजरीवाल यांनी ममता बॅनर्जी यांच्यावर पक्षावर टीका करता म्हणाले, 'गोव्यात टीएमसी शर्यतीत कुठेच नाही.' केजरीवाल यांच्या या वक्तव्यावर आता तृणमूल काँग्रेसने प्रत्युत्तर दिले आहे.

दरम्यान, तृणमूल काँग्रेसने केजरीवालांच्या वक्तव्याचा चांगलाच समाचार घेतला आहे. त्यांनी ट्वीट करत म्हटले की, "आम्ही लोकांसाठी काम करण्यावर आणि त्यांच्या सुख-दु:खात त्यांच्या पाठीशी उभे राहण्यावर विश्वास ठेवतो. जे लोक निवडणुकीचे भाकीत आणि मतांच्या टक्केवारीचे भाकीत करण्यात गुंतलेले आहेत, ते फक्त त्यांचे राजकीय प्रदर्शन करत आहेत. यातून त्यांची अपरिपक्वता आणि हतबलता दिसून येते."