Goa Corona Update: राज्यात कोरोना रूग्णांच्या संख्येतील वाढीत गेल्या काही दिवसात सातत्य राहिलेले आहे. गेल्या 24 तासात राज्यात 16 नवीन कोरोना रूग्ण आढळून आले आहेत. यातील 12 जणांना होम आयसोलेशनमध्ये ठेवण्यात आले आहे तर 4 जणांना रूग्णालयात दाखल करण्यात आले आहे. गोव्यातील सक्रीय कोरोनोरूग्णांची संख्या आता 142 वर पोहोचली आहे.

दरम्यान, गेल्या चोवीस तासात 11 रूग्ण कोरोनामुक्त झाले आहेत. गोव्यात गेल्या 24 तासात 168 नव्या चाचण्या झाल्या. तर कोरोनामुळे एकाही मृत्यूची नोंद झालेली नाही. गोव्याचा कोरोनामुक्ती दर 98.40 टक्के इतका आहे.

गोव्यात आत्तापर्यंत 21 लाख 56 हजार 310 एकुण चाचण्या झाल्या आहेत. आत्तापर्यंत एकुण 2 लाख 59 हजार 344 रूग्ण आढळून आले होते, त्यातील 2 लाख 55 हजार 205 जण कोरोनामुक्त झाले आहेत. तर राज्यात आत्तापर्यंत 4013 कोरोनारूग्णांचा मृत्यू झाला आहे.