Bicholim Gomantak Digital Team
गोवा

Bicholim News : मगरीने हिरावला तीन मुलांचा घास!

आईच्‍या मृत्‍यूनंतर झाली पोरकी : वडीलही तीन महिन्‍यांपूर्वी गेले जग सोडून

गोमन्तक डिजिटल टीम

आमठाणे धरणात मगरीच्‍या हल्‍ल्‍यात मृत्‍यू झालेल्‍या सावरधाट-उसप येथील संगीता शिंगाडी या गरीब महिलेच्या मुलांना सरकारने आधार द्यावा व मुख्यमंत्री डॉ. प्रमोद सावंत आणि जलस्रोतमंत्री सुभाष शिरोडकर यांनी या प्रकरणी जातीने लक्ष घालून मयत महिलेच्या कुटुंबात सरकारी नोकरी द्यावी, अशी मागणी अखिल गोमंतक धनगर समाजोन्नती मंडळाच्या डिचोली तालुका समितीने केली आहे.

मंडळाकडून मयत महिलेच्या मुलांना आर्थिक मदतही करण्यात आली. दरम्यान, या दुर्घटनेनंतर आतापर्यंत एकाही सरकारी अधिकाऱ्यांने दुर्दैवी कुटुंबाची भेट घेतली नसल्याबद्दल मंडळाने नाराजी व्यक्त केली आहे. गेल्या शनिवारी (ता. २०) तोंड धुण्यासाठी आमठाणे धरणात उतरलेल्या संगीता शिंगाडी या महिलेवर मगरीने हल्ला करुन तिला खोल पाण्यात ओढून नेले होते. या हल्‍ल्‍यात संगीता हिचा दुर्दैवी अंत झाला.

तीन महिन्यांपूर्वीच संगीता हिचे पती बाबलो यांचाही आकस्मिक मृत्यू झाला होता. मयत बाबलो आणि संगीता शिंगाडी ही शेळीपालन व्यवसायात मिळणाऱ्या कमाईतून आपल्या कुटुंबाचा उदरनिर्वाह करीत होते. मात्र तीन महिन्यांच्‍या अंतराने दोघांचाही मृत्यू झाल्‍याने त्यांची तीन मुले पोरकी झाली आहेत. मुलांचा आधारच नाहीसा झाला आहे.

अंत्योदय तत्वावर वावरणाऱ्या सरकारने पोरकी झालेल्या या मुलांची व्यथा लक्षात घेऊन त्यांना आधार द्यावा, अशी मागणी अखिल गोमंतक धनगर समाजोन्नती मंडळाच्या डिचोली तालुका समितीचे अध्यक्ष तथा स्थानिक पंच दिलीप वरक आणि सचिव लक्ष्मण लांबोर यांनी केली आहे. मयत संगीता हिचा मोठा मुलगा उमेश याने बारावी आणि आयटीआयमधून इलेक्ट्रिशियन अभ्यासक्रम पूर्ण केला आहे. तर, मुलगी कविता हिने दहावीपर्यंतचे शिक्षण पूर्ण केले आहे. लहान मुलगा भगवान हा इयत्ता दहावीत शिकत आहे.

गोमंतक धनगर समाजोन्नती मंडळाकडून आर्थिक मदत

गोमंतक धनगर समाजोन्नती मंडळाच्या डिचोली तालुका समितीने काल बुधवारी मयत शिंगाडी यांच्या अनाथ मुलांची भेट घेऊन त्यांचे सांत्वन केले. मंडळाचे संस्थापक अध्यक्ष स्व. भागो भैरू वरक यांच्या नावाने सुरू केलेल्या ‘निराधारांना आधार’ योजनेअंतर्गत दहा हजार रुपयांची आर्थिक मदतही केली. मंडळाचे अध्यक्ष दिलीप वरक आणि सचिव लक्ष्मण लांबोर यांनी हा धनादेश शिंगाडी यांच्या मुलांकडे दिला. यावेळी खजिनदार सगुण गवळी, नीलेश ताटे, धाकटू शिंगाडी, सुनील वरक, चंद्रकांत झोरे, सगुण वरक उपस्थित होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

WBBL मध्ये ड्रामा! विजयासाठी फक्त 3 धावांची गरज... अंपायरने अचानक सामना थांबवला, मैदानात नेमकं घडलं काय? Watch Video

सत्तरीतील नगरगाव सुपर मार्केटला आग; मोठे नुकसान, अग्निशमन दलाकडून आग विझवली!

सावधान! 2026 मध्ये शनीच्या साडेसातीमुळे ‘या’ 3 राशींच्या लोकांना मानसिक ताण, धनहानी आणि अडचणींचा करावा लागू शकतो सामना

Goa ZP Election 2025: "अविश्वासाच्या युतीपेक्षा एकटं लढणं कधीही चांगलं", विरोधी पक्षांच्या मतभेदांवर अमित पालेकरांचा हल्लाबोल

Upcoming Cars in December 2025: Maruti ते Tata! वर्ष 2025 च्या अखेरीस लाँच होणार 'या' 5 जबरदस्त कार, जाणून घ्या डिटेल्स

SCROLL FOR NEXT