आज राजधानी पणजी कार्निव्हल महोत्सवाची धूम सुरु असून दुपारी 3 वा. पाटो पुलाजवळ कार्निव्हल मिरवणुकीला सुरूवात झालीय. वेगवेगळी वेशभूषा, निरनिराळे सामाजिक संदेश देणारे चित्ररथ हे या कार्निव्हलचं मुख्य आकर्षण आहे.

या कार्निव्हल मिरवणुकीत सिटीझन ऑफ पणजी तर्फे पणजीतील अनेक समस्यांवर भाष्य करणारी एक परेड सामील झाली होती. या परेडला पोलिसांनी रोखलं असल्याचे वृत्त हाती येतंय.

सध्या पणजी शहरात स्मार्ट सिटी अंतर्गत जी कामे सुरु आहेत,त्याचा येथील रहिवाशांना त्रास सहन करावा लागतो असे येथील स्थानिकांचे म्हणणे आहे. या संदर्भात अनेकवेळा येथील नागरिकांनी प्रसारमाध्यमांसमोर आपल्या प्रतिक्रियाही दिल्या होत्या.

दरम्यान सिटीझन ऑफ पणजी तर्फे सादर करण्यात येत असलेल्या परेडला पोलिसांनी रोखलं आहे. या परेडमध्ये कोणता संदेश दिला गेला किंवा समस्यांवर भाष्य करणारा चित्ररथ सहभागी झाला होता का या बाबत सविस्तर माहित अद्याप प्राप्त झाली नाही.

सविस्तर वृत्त थोड्याच वेळात