Tenant Verification in Porvorim: पर्वरी पोलिसांनी बुधवारी बिट्टोणा परिसरात भाडेकरु पडताळणी मोहिम राबवत, १८ जणांना ताब्यात घेऊन पडताळणी केली. तर, ओळखीचा पुरावा नसल्याने पुढील पडताळणीसाठी ५ जणांना संशयाखाली अटक करण्यात आली.

यापुढे देखील पर्वरी पोलिस अवैध स्थलांतरित व गुन्हेगारी पार्श्वभूमी असलेल्या संशयित व्यक्तींविरुद्ध अशाचप्रकारे मोहीम राबवतील. त्याचप्रमाणे, गुन्हेगारी कृत्यांमध्ये कोणीही सामी आढळल्यास कायद्यानुसार कारवाई केली जाईल, असे पोलिसांनी स्पष्ट केले.

दरम्यान, म्हापशातही भाडेकरु पडताळणी मोहिमेला जोर आला आहे. राष्ट्रीय क्रीडा स्पर्धेच्या पार्श्वभूमीवर तसेच नवा पर्यटन हंगाम सुरू होत असल्याने म्हापसा पोलिसांनी काल (मंगळवारी) शहरात भाडेकरूंची पडताळणी मोहीम राबवली.