Tenant Verification Drive in Mapusa

राष्ट्रीय क्रीडा स्पर्धेच्या पार्श्वभूमीवर तसेच नवा पर्यटन हंगाम सुरू होत असल्याने म्हापसा पोलिसांनी आज (मंगळवारी) शहरात भाडेकरूंची पडताळणी मोहीम राबवली. गोवा हे पर्यटन स्थळ असल्याने कामाधंद्यानिमित परराज्यांतून मोठ्या प्रमाणात मजूर राज्यात येतात.

हे मजूर काम मिळेल तिथे भाडेपट्टीवर खोल्या ते घेऊन राहतात. मात्र, अनेकदा ते भाडेकरू पडताळणी फॉर्म भरत नसल्याने अशाप्रकारे पोलिसांकडून मोहीम हाती घेतली जाते.

गेल्या सहा महिन्यांपासून पोलिसांकडून या मोहिमेकडे दुर्लक्ष होत असल्याने मोहीमच थंडावली आहे. यावर्षी आतापर्यंत राज्यात ५० हजारांहून अधिक भाडेकरूंची माहिती अर्ज आले.