धावत्या टेम्पोला भर रस्तात आग लागली. ही आग एवढी भीषण होती की आगीत टेम्पोचा टायरही फुटला व संपूर्ण टेम्पो जळला. टेम्पोत असलेले दोन मोबाईल फोन व काही कागदपत्रे होती ती देखील जळू खाक झाली आहेत. कोरगाव, पेडणे येथे दुपारी 12.30 वाजता ही आगीची घटना घडली. टेम्पोचा चालक सुरक्षित असल्याची माहिती मिळाली आहे.

(Running tempo caught fire at Korgao, Pernem)

मिळालेल्या माहितीनुसार, कोरगाव येथे धावत्या टेम्पोला अचानक आग लागली. टेम्पो रस्त्याकडेला उभा करण्यात आला व पेडणे येथे अग्निशमन दलाला पाचारण करण्यात आले. अग्निशमन दलाच्या जवानांनी आगीवर नियंत्रण मिळवले. पण तोपर्यंत आगीत टेम्पो प्रचंड नुकसान झाले होते. टेम्पोत असलेले मोबाईल आणि कागदपत्रे देखील जळून खाक झाली. ही आग शॉर्ट सर्किटमुळे लागल्याचा अंदाज वर्तवला जात आहे.

दरम्यान, या घटनेचा एक व्हिडिओ समोर आला आहे. यामध्ये टेम्पो पूर्णत: जळाला असून अग्निशन दलाचे जवान आग विझविण्यासाठी प्रयत्न करताना दिसत आहेत. दरम्यान, या आगीमुळे काहीकाळासाठी वाहतूक खोळंबली होती.