गोव्यात सध्या पहाटे थंडी, धुकं अशी स्थिती असते दिवसभर कडाक्याचं ऊन अनुभवायला मिळतं. गेल्या दोन- चार दिवसात गोव्यातील ग्रामीण भागात प्रचंड धुकं जाणवलं.

काल तर दाट धुक्यामुळे दाबोळी विमानतळावरील विमानसेवा रखडली होती. फेब्रुवारीच्या 14 आणि 15 तारिखला गोव्यातील तापमान 1-2 अंश सेल्सिअसने घटण्याची शक्यता हवामान विभागाने वर्तवली आहे.

मात्र त्या नंतर दोन दिवसांनी उत्तर आणि दक्षिण गोव्यातील कमाल तापमानात सुमारे 2 अंश सेल्सिअसने वाढ होण्याची शक्यता वर्तवण्यात आली आहे. हळूहळू उन्हाळ्याची चाहूल लागत आहे.

गोव्यात आंबा, काजू हंगामाला सुरुवात झाली असून या हंगामाकरिता वाढती उष्णता हे वातावरण पोषक मानण्यात येते. मात्र ऋतू बदलामुळे लोकांच्या आरोग्यावर विपरीत परिणाम होण्याची शक्यता देखील वर्तवण्यात येतेय.